पिंपरी, पिंपरी चिंचवड शहर क्रिकेट असोसिएशनतर्फे फोर स्टार क्रिकेट मैदानावर आयोजित “पिंपरी चिंचवड करंडक T-२० क्रिकेट स्पर्धे” ला उत्साहपूर्ण सुरुवात झाली. आज खेळविण्यात आलेल्या दोन सामन्यांमध्ये व्ही. डब्ल्यू. सी. सी. आणि टू नाईन स्पोर्ट्स क्लब यांनी दमदार विजय मिळवत पुढील फेरीत प्रवेश केला.
पहिला सामना : व्ही. डब्ल्यू. सी. सी. विजयी
पहिल्या सामन्यात व्ही. डब्ल्यू. सी. सी. संघाने जोरदार फलंदाजी करत २० षटकांत ६ बाद २४६ धावा केल्या. अजित गव्हाणे (४५), सुजल श्रीखंडे (३९) आणि हॅरी सावंत (१६) यांनी संघाला मोठा स्कोअर उभारून दिला.
प्रत्युत्तरात स्कोर स्पोर्ट्स क्लबने २० षटकांत ७ बाद १४६ धावा केल्या. गगनदीप सिंगने एकहाती झुंज देत नाबाद १०२ धावा केल्या, मात्र संघाला विजय मिळवता आला नाही.
व्ही. डब्ल्यू. सी. सी. कडून हॅरी सावंतने प्रभावी गोलंदाजी करत ३ बळी घेतले, तर साहिल शेखने २ बळी घेतले.
सामनावीर : हॅरी सावंत
दुसरा सामना : टू नाईन स्पोर्ट्स क्लबचा दमदार विजय
दुसऱ्या सामन्यात टू नाईन स्पोर्ट्स क्लबने प्रथम फलंदाजी करत २० षटकांत ७ बाद १७७ धावा केल्या. स्नेहासिस साहू (४२), ओम जाधव (३२) आणि वंश चावला (३२) यांनी प्रभावी फलंदाजी केली.
मौलाना आझाद क्रिकेट क्लबच्या संघाने प्रत्युत्तरात १६.३ षटकांत सर्वबाद ८८ धावा केल्या. सोहम साळवे (१९) आणि प्रदीप साळवे (१३) यांनी थोडी झुंज दिली. टू नाईन स्पोर्ट्स क्लबकडून स्नेहासिस साहूने फक्त ५ धावांत ३ बळी घेत संघाच्या विजयात मोलाची भूमिका बजावली, तर कमल शर्मा यांनी ३ बळी मिळवले.
सामनावीर : स्नेहासिस साहू
फोर स्टार मैदानावर झालेल्या या दोन्ही सामन्यांनी स्पर्धेची सुरुवात रोमांचक केली असून, पुढील सामने आणखी रंगतदार होण्याची चिन्हे दिसत आहेत.
