थेरगाव,पीसीएमसीज व्हेरॉक वेंगसरकर क्रिकेट अकॅडमी आयोजित १२ वर्षाखालील मुलांच्या “व्हेरॉक कप २०२५” क्रिकेट स्पर्धेला आज थेरगाव येथील मैदानावर जल्लोषात प्रारंभ झाला.
स्पर्धेचे उद्घाटन पिंपरी चिंचवड महानगरपालिकेचे अभियंता (विद्युत) बापूसाहेब रोकडे यांच्या हस्ते करण्यात आले. या वेळी पाहुण्यांनी सर्व संघांच्या कर्णधारांना माजी राष्ट्रपती डॉ. ए.पी.जे. अब्दुल कलाम लिखित “अग्निपंख” हे प्रेरणादायी पुस्तक भेट देऊन प्रोत्साहन दिले.
या उद्घाटन सोहळ्यास व्हेरॉक वेंगसरकर क्रिकेट अकॅडमीचे प्रशिक्षक चंदन गंगावणे, शादाब शेख, भूषण सुर्यवंशी, राहुल वेंगसरकर तसेच डॉ. विजय पाटील उपस्थित होते.
स्पर्धेच्या पहिल्या दिवशी चार साखळी सामने खेळविण्यात आले. युवा खेळाडूंनी दमदार खेळी करून प्रेक्षकांचे लक्ष वेधून घेतले.
आजचे सामने आणि सामनावीर:
व्हेरॉक वेंगसरकर क्रिकेट अकॅडमी विजयी विरुद्ध किरण क्रिकेट अकॅडमी
ऍथलिट्स क्रिकेट अकॅडमी विजयी विरुद्ध मेव्हरीक्स क्रिकेट अकॅडमी
स्पेशल इलेव्हन क्रिकेट अकॅडमी विजयी विरुद्ध ऑल स्टार क्रिकेट अकॅडमी
यंगस्टर्स क्रिकेट अकॅडमी विजयी विरुद्ध क्रिक बेसिक्स अकॅडमी
या सर्व सामन्यांमध्ये तरुण खेळाडूंनी उत्कृष्ट क्षेत्ररक्षण, फलंदाजी आणि गोलंदाजी सादर करत स्पर्धेची रंगत वाढवली.
