पुणे : गणेश विसर्जनाच्या पूर्वसंध्येला पुण्यात टोळी युद्धाचा भडका उडाला. नाना पेठ परिसरात झालेल्या गँगवॉरमध्ये हल्लेखोरांनी एका तरुणावर गोळ्या झाडल्या. या गोळीबारात गंभीर जखमी झालेल्या तरुणाचा मृत्यू झाल्याची प्राथमिक माहिती आहे.
मृत तरुणाची ओळख गोविंद कोमकर अशी झाली आहे. तो गणेश कोमकरचा मुलगा असल्याचे समोर आले. विशेष म्हणजे गणेश कोमकर हा वर्षभरापूर्वी झालेल्या राष्ट्रवादी काँग्रेसचे माजी नगरसेवक वनराज आंदेकर यांच्या खून प्रकरणातील आरोपी होता.
अचानक झालेल्या या घटनेमुळे परिसरात भीतीचे वातावरण निर्माण झाले आहे. पोलिसांनी घटनास्थळी धाव घेऊन तपास सुरू केला असून गुन्हा नोंदविण्यात आला आहे.
