चिखली, पिंपरी–चिंचवड महापालिका निवडणुकीच्या पार्श्वभूमीवर प्रभाग क्रमांक १ मध्ये राष्ट्रवादी काँग्रेसच्या अधिकृत उमेदवार तथा माजी नगरसेविका संगीता ऊर्फ नानी ताम्हाणे यांच्या विजयाची चाहूल लागल्याचे स्पष्ट चित्र सध्या दिसून येत आहे. “नानी आहे तर विश्वास आहे” हा नारा प्रभागात घराघरात घुमू लागला असून, जनतेतून त्यांना मोठ्या प्रमाणावर उत्स्फूर्त पाठिंबा मिळत आहे.
माजी नगरसेविका म्हणून आपल्या कार्यकाळात नानी ताम्हाणे यांनी प्रभागातील मूलभूत नागरी सुविधांना प्राधान्य देत सातत्यपूर्ण कामगिरी केली होती. रस्ते, पाणीपुरवठा, ड्रेनेज, स्वच्छता, कचरा व्यवस्थापन, सार्वजनिक आरोग्य, अंगणवाडी व शाळा परिसरातील सुविधा, तसेच महिला व ज्येष्ठ नागरिकांसाठीच्या उपक्रमांमुळे त्यांनी जनतेचा विश्वास संपादन केला आहे. याच कामाच्या जोरावर त्या पुन्हा एकदा मतदारांच्या पसंतीस उतरत असल्याचे दिसत आहे.
प्रभागातील अनेक भागांमध्ये आजही अनियमित पाणीपुरवठा, अंतर्गत रस्त्यांची दुरवस्था, ड्रेनेज लाईन तुंबण्याचे प्रकार, पावसाळ्यात पाणी साचणे, कचऱ्याची समस्या आणि वाहतुकीचा ताण हे प्रश्न गंभीर आहेत. या सर्व प्रश्नांची जाणीव ठेवत नानी ताम्हाणे यांनी प्रचारादरम्यान “निवडणूक जिंकण्यासाठी नव्हे, तर प्रश्न सोडवण्यासाठी निवडणूक लढवत आहे,” अशी स्पष्ट भूमिका मांडली आहे.
नानी ताम्हाणे यांचा प्रचार हा केवळ आश्वासनांपुरता मर्यादित न राहता अनुभव, कामाचा ठोस अहवाल आणि पुढील विकासाचा स्पष्ट आराखडा यांवर आधारित आहे. अंतर्गत रस्त्यांचे काँक्रिटीकरण, पिण्याच्या पाण्याच्या लाईनचे नूतनीकरण, ड्रेनेज व पावसाळी पाण्याचा निचरा, नियमित कचरा उचल, उद्याने व खेळाची मैदाने, आरोग्य सुविधा बळकट करणे हे त्यांच्या प्रचारातील प्रमुख मुद्दे आहेत.
राष्ट्रवादी काँग्रेसच्या कार्यकर्त्यांनी प्रचारात मोठ्या प्रमाणावर सक्रिय सहभाग घेतला असून होम टू होम संपर्क, लघुसभा, स्थानिक नागरिकांशी थेट संवाद, महिला व युवक मेळावे यांमुळे प्रचाराला वेग आला आहे. विशेषतः महिलांमध्ये सुरक्षितता, आरोग्य आणि मूलभूत सुविधांबाबत नानी ताम्हाणे यांच्या कामावर विश्वास व्यक्त केला जात आहे.
“नानी पुन्हा” हा नारा केवळ भावनिक नसून तो त्यांच्या कार्यपद्धतीवर आधारित असल्याची भावना नागरिक व्यक्त करत आहेत. विकास, पारदर्शकता आणि जनतेशी थेट नातं जपणारी नेतृत्वशैली यामुळेच नानी ताम्हाणे या प्रभाग क्रमांक १ मध्ये पुन्हा एकदा विजयी होतील, असा विश्वास नागरिकांमध्ये वाढत चालला आहे.
एकूणच सध्याची राजकीय परिस्थिती, वाढता जनसमर्थन आणि नागरी प्रश्नांवर आधारित ठोस भूमिका पाहता प्रभाग क्रमांक १ मध्ये राष्ट्रवादी काँग्रेसच्या संगीता ऊर्फ नानी ताम्हाणे यांच्या विजयाची चाहूल लागल्याची चर्चा जोर धरू लागली आहे.
