जेजुरी | १९ जून २०२५ – जेजुरी-मोरगाव रस्त्यावर मंगळवारी सायंकाळी ६.४५ च्या सुमारास एका भीषण अपघातात आठ जणांचा मृत्यू झाला असून चार जण जखमी झाले आहेत. हा अपघात किर्लोस्कर कंपनीजवळील श्रीराम ढाब्याजवळ घडला.
मिळालेल्या माहितीनुसार, श्रीराम ढाब्याचे मालक सोमनाथ वायसे हे त्यांच्या ढाब्यासाठी पिकअप व्हॅनमधून फ्रिज खाली उतरवत असताना स्विफ्ट डिझायर गाडीने अचानक पाठीमागून जोरदार धडक दिली. या धडकेत घटनास्थळीच अनेकांचा मृत्यू झाला असून काही जण गंभीर जखमी झाले आहेत.
या अपघातात मृत्यू झालेल्यांची नावे पुढीलप्रमाणे आहेत –
१. सोमनाथ रामचंद्र वायसे (रा. नागरिक, ता. पुरंदर, जि. पुणे)
२. रामू संजीवनी यादव (रा. नागरिक, ता. पुरंदर, जि. पुणे)
३. अजय कुमार चव्हाण (रा. उत्तर प्रदेश)
४. अजित अशोक जाधव (रा. कांजळे, ता. भोर, जि. पुणे)
५. किरण भारत राऊत (रा. पवारवाडी, ता. इंदापूर, जि. पुणे)
६. अश्विनी संतोष एस. आर. (रा. सोलापूर)
७. अक्षय संजय राऊत (रा. झारगडवाडी, ता. बारामती, जि. पुणे)
८. एक अनोळखी पुरुष
या अपघातात एक पुरुष, एक महिला व दोन लहान मुले जखमी झाले असून त्यांच्यावर शांताई हॉस्पिटल, जेजुरी येथे उपचार सुरू आहेत. मृतांची शवविच्छेदनासाठी जेजुरी ग्रामीण रुग्णालय येथे नेण्यात आले आहे.
या भीषण घटनेमुळे परिसरात हळहळ व्यक्त केली जात असून पोलीस अधिक तपास करत आहेत.
