रहाटणी, द काकाज इंटरनॅशनल स्कूल, रहाटणी यांच्या वतीने कै. हनुमंतराव गंगाराम तापकीर प्रतिष्ठान आणि आदित्य बिर्ला मेमोरियल हॉस्पिटल यांच्या सहकार्याने स्व. शंकरराव हनुमंतराव तापकीर यांच्या १६ व्या स्मृतिदिनानिमित्त महाआरोग्य शिबिराचे आयोजन करण्यात आले.
या वैद्यकीय शिबिराचे उद्घाटन सामाजिक कार्यकर्ते सोमनाथ तापकीर, चंद्रकांत तापकीर, संभाजी साखरे, तानाजी साखरे तसेच शाळेचे विश्वस्त ज्ञानेश्वर तापकीर, विनोद तापकीर, निलेश तापकीर आणि शाळेचे अध्यक्ष नवीन तापकीर यांच्या हस्ते करण्यात आले.
कार्यक्रमादरम्यान ‘माय फ्रेंड गणेशा’ चित्रकला आणि रंगरंगोटी स्पर्धेतील विजेत्या विद्यार्थ्यांना बक्षिसे देण्यात आली.
या आरोग्य शिबिरात नागरिकांसाठी डोळ्यांच्या मोतीबिंदू शस्त्रक्रिया, मोफत चष्मा वाटप, दंत तपासणी, कर्करोग निदान अशा विविध वैद्यकीय सुविधा उपलब्ध करून देण्यात आल्या. १८ वर्षांवरील नागरिकांना टी.टी. इंजेक्शन देण्यात आले, तर मुलांच्या बौद्धिक आणि शारीरिक विकासासाठी मोफत लोह आणि मल्टीव्हिटामिन सिरपचे वाटप करण्यात आले. तसेच रक्तदान शिबिराचेही आयोजन करण्यात आले होते.
या महाआरोग्य शिबिराला नागरिकांनी उत्स्फूर्त प्रतिसाद दिला आणि विविध वैद्यकीय सेवांचा लाभ मोठ्या संख्येने घेतला.
