भोसरी, प्रभाग क्रमांक ७, भोसरी गावठाण येथील भारतीय जनता पार्टीचे इच्छुक उमेदवार अमोल मधुकर डोळस यांच्या प्रचाराचा शुभारंभ उत्साहपूर्ण वातावरणात पार पडला. सनई-ताशांच्या गजरात आणि नागरिकांच्या मोठ्या उपस्थितीत या प्रचार मोहिमेला सुरुवात झाली.
प्रचाराचा शुभारंभ ग्रामदैवत श्री भैरवनाथ महाराज मंदिर येथे नारळ फोडून करण्यात आला. यावेळी अमोल डोळस यांनी उपस्थित नागरिकांचे स्वागत करताना, “स्थानिक विकास हाच माझा सर्वोच्च प्राधान्यक्रम राहील,” असे ठामपणे सांगितले.
रस्ते, पाणीपुरवठा व स्वच्छता या मूलभूत सुविधांवर विशेष भर देण्यात येईल, असे आश्वासन देत त्यांनी तरुणांसाठी रोजगाराच्या संधी व क्रीडा सुविधा वाढवण्याचा निर्धार व्यक्त केला. तसेच महिलांसाठी विविध कल्याणकारी योजना राबवण्यासह ज्येष्ठ नागरिकांच्या समस्या सोडवण्यासाठी विशेष प्रयत्न करण्यात येतील, असेही त्यांनी स्पष्ट केले.
या कार्यक्रमाला सामाजिक कार्यकर्ते, स्थानिक पदाधिकारी आणि नागरिक मोठ्या संख्येने उपस्थित होते. स्थानिक पदाधिकाऱ्यांनी मार्गदर्शन करत अमोल डोळस यांच्या कार्यपद्धतीवर विश्वास व्यक्त केला. नागरिकांनीही त्यांना जाहीर पाठिंबा दर्शवला.
भोसरी गावठाणच्या सर्वांगीण विकासाचा संकल्प यावेळी करण्यात आला. प्रचाराच्या या यशस्वी शुभारंभामुळे कार्यकर्त्यांमध्ये नवचैतन्य संचारले असून नागरिकांमध्ये परिवर्तनाची अपेक्षा निर्माण झाली आहे. यावेळी विरोधी पक्षनेते सखाराम बाप्पु डोळस हेही उपस्थित होते.
एकूणच, सकारात्मक वातावरणात पार पडलेला हा प्रचार शुभारंभ कार्यक्रम राजकीय चर्चेचा केंद्रबिंदू ठरत असून आगामी काळात भोसरी गावठाणच्या राजकारणात नवे चित्र उभे राहण्याची चिन्हे दिसत आहेत.
