पिंपरी, पिंपरी–चिंचवड महानगरपालिका निवडणूक 2025-26 च्या पार्श्वभूमीवर वंचित बहुजन आघाडी (VBA) पिंपरी–चिंचवड शहराच्या वतीने सर्व इच्छुक उमेदवारांच्या मुलाखतींचे आयोजन करण्यात आले आहे. या मुलाखती शुक्रवार, 26 डिसेंबर 2025 रोजी सकाळी 11 ते सायंकाळी 5 वाजेपर्यंत पिंपरी येथील हॉटेल नमस्कार (विशाल टॉकीज शेजारी) येथे पार पडणार आहेत.
या प्रक्रियेद्वारे आगामी महापालिका निवडणुकीसाठी सक्षम, अभ्यासू व लोकाभिमुख उमेदवारांची निवड करण्यात येणार असून, शहरातील सर्व मतदार बांधव-भगिनींसह वंचित बहुजन आघाडीचे शुभचिंतक, समर्थक, सभासद, कार्यकर्ते, पदाधिकारी तसेच निवडणूक लढविण्यास इच्छुकांनी याची नोंद घ्यावी, असे आवाहन करण्यात आले आहे.
या मुलाखतींसाठी डॉ. अनिल जाधव (राज्य उपाध्यक्ष, VBA), ॲड. प्रियदर्शी तेलंग (राष्ट्रीय महासचिव, VBA), ॲड. सर्वजित बनसोडे (राज्य उपाध्यक्ष, VBA) यांची प्रमुख उपस्थिती राहणार आहे. तसेच नितीन गवळी (शहराध्यक्ष, VBA), शारदाताई बनसोडे (शहराध्यक्ष, महिला आघाडी – पिंपरी चिंचवड) आणि विनोद गायकवाड (अध्यक्ष, युवक आघाडी – पिंपरी चिंचवड शहर) हेही उपस्थित राहणार आहेत.
महापालिका निवडणुकीच्या तयारीच्या दृष्टीने ही मुलाखत प्रक्रिया अत्यंत महत्त्वाची असून, वंचित बहुजन आघाडी शहरात संघटन अधिक बळकट करण्याच्या दिशेने पुढाकार घेत असल्याचे यानिमित्ताने स्पष्ट होत आहे.
