रहाटणी : उद्योगविश्वातील आदर्श नेतृत्व, समाजसेवेचा ध्यास आणि राष्ट्रनिर्मितीचा दूरदृष्टीपूर्ण विचार जपणारे उद्योगपती रतनजी टाटा यांची जयंती रहाटणी येथे सर्व सहकाऱ्यांच्या उपस्थितीत उत्साहात साजरी करण्यात आली.
या प्रसंगी माजी नगरसेवक चंद्रकांत नखाते यांच्या हस्ते रतनजी टाटा यांच्या प्रतिमेस पुष्प अर्पण करून अभिवादन करण्यात आले. यावेळी चंद्रकांत नखाते कार्यश्रम टीमचे अध्यक्ष रवींद्र धुमाळ, पोपट पुदाले, कैलास परभणे, नामदेवराव मोरे, गणेश पवार, कार्डिगे बुवा, दिगंबर चुकेकर परिसरातील सामाजिक कार्यकर्ते, सहकारी व नागरिक मोठ्या संख्येने उपस्थित होते.
कार्यक्रमात रतनजी टाटा यांनी उद्योग, शिक्षण, आरोग्य व सामाजिक विकासासाठी दिलेल्या योगदानाचा गौरव करण्यात आला. त्यांच्या कार्यातून मिळणारी प्रेरणा समाजासाठी मार्गदर्शक ठरते, असे मत उपस्थितांनी व्यक्त केले.
जयंतीनिमित्त सर्व सहकाऱ्यांनी रतनजी टाटा यांच्या विचारांचा वारसा पुढे नेण्याचा संकल्प केला.
