संत तुकारामनगर, पिंपरी चिंचवड महापालिकेच्या निवडणुकीच्या पार्श्वभूमीवर प्रभाग क्रमांक २० -ड मध्ये भारतीय जनता पक्षाचे उमेदवार सतीश नारायण नागरगोजे यांनी प्रचारात स्पष्ट आघाडी घेतल्याचे चित्र दिसून येत आहे. भाजपाच्या पिंपरी चिंचवड शहरातील युवा मोर्चाचे नेतृत्व करत असलेले सतीश नागरगोजे यांनी संत तुकाराम नगर परिसरात घरोघरी संवाद साधत थेट जनतेशी नाळ जोडली आहे.
भाजपाच्या पिंपरी चिंचवड शहर महिला अध्यक्षा सुजाता पालांडे यांच्या नेतृत्वाखाली प्रभाग २० मध्ये युवा कार्यकर्ते आणि अनुभवी पदाधिकारी यांचा प्रभावी संगम साधत डॉ. संदीप बागडे,सौ. रश्मी लांडे आणि सतीश नागरगोजे यांचे भक्कम पॅनेल उभे करण्यात आले आहे. या पॅनेलने होम टू होम भेटी, नागरिक बैठका, प्रचारयात्रा, ज्येष्ठ नेत्यांच्या सभा तसेच डिजिटल माध्यमांचा प्रभावी वापर करत प्रचाराला गती दिली आहे.
प्रचारादरम्यान स्थानिक प्रश्नांवर भर देण्यात येत असून, पाणीपुरवठा, रस्त्यांची दुरवस्था, कचरा व्यवस्थापन, महिला सुरक्षितता, युवकांसाठी रोजगाराच्या संधी, तसेच झोपडपट्टी पुनर्वसन व नागरी मूलभूत सुविधा हे मुद्दे थेट नागरिकांपर्यंत पोहोचवले जात आहेत. “विकास, पारदर्शकता आणि जबाबदार प्रशासन” हा भाजपाचा अजेंडा असल्याचे मत नागरिकांमध्ये ठसवत प्रचार सुरू आहे.
विशेष म्हणजे, प्रचारादरम्यान नागरिक स्वतःहून उमेदवार व पॅनेलसोबत सहभागी होत असल्याने परिसरात सकारात्मक आणि उत्साही वातावरण निर्माण झाले आहे. स्थानिक कार्यकर्त्यांची मजबूत फळी, संघटनात्मक ताकद आणि मुद्देसूद प्रचार यामुळे प्रभाग २० मध्ये भाजपाची बाजू अधिक मजबूत होत असल्याचे राजकीय निरीक्षकांचे मत आहे.
एकंदरीत, विकासकामांचा ठोस अजेंडा, युवा नेतृत्वाची ऊर्जा आणि अनुभवी मार्गदर्शन यांच्या जोरावर सतीश नागरगोजे यांची प्रचारातील आघाडी अधिक ठळक होताना दिसत आहे.
