पुणे, दि. १८ जून २०२६ : युवासेना व शिवसेनेत गेल्या ११ वर्षांपासून सक्रियपणे कार्यरत असलेले युवासेना-शिवसेनेचे उपजिल्हाप्रमुख ओंकार शिवाजी तुपे यांनी भारतीय जनता पक्षात जाहीर प्रवेश केला. भारतीय जनता पक्ष युवा मोर्चाचे महाराष्ट्र प्रदेशाध्यक्ष कृष्णराज महाडिक यांच्या हस्ते हा पक्षप्रवेश सोहळा पार पडला.
या पक्षप्रवेश कार्यक्रमाला भाजपचे पदाधिकारी, कार्यकर्ते आणि तुपे यांचे समर्थक मोठ्या संख्येने उपस्थित होते. यावेळी उपस्थितांनी तुपे यांचे पक्षात स्वागत करत त्यांच्या पुढील राजकीय वाटचालीस शुभेच्छा दिल्या.
वयाच्या अवघ्या १६ व्या वर्षापासून राजकीय आणि सामाजिक क्षेत्रात सक्रिय असलेल्या ओंकार तुपे यांनी युवासेना व शिवसेनेच्या माध्यमातून विद्यार्थी, युवक आणि सर्वसामान्य नागरिकांच्या विविध प्रश्नांसाठी सातत्याने काम केले आहे. युवकांच्या समस्या, रोजगार, शिक्षण तसेच सामाजिक उपक्रमांमध्ये त्यांनी सक्रिय सहभाग घेत अनेक जनहिताचे कार्यक्रम राबविले आहेत.
भाजपमध्ये प्रवेश करताना तुपे यांनी पंतप्रधान नरेंद्र मोदी आणि राज्यातील भाजप नेतृत्वाच्या विकासाभिमुख धोरणांवर विश्वास व्यक्त केला. आगामी काळात पक्ष संघटन बळकट करण्यासाठी तसेच युवकांना भाजपशी जोडण्यासाठी काम करणार असल्याचे त्यांनी सांगितले.
ओंकार तुपे यांच्या भाजप प्रवेशामुळे पुणे जिल्ह्यातील युवा राजकारणात चर्चांना उधाण आले असून, भाजपाच्या युवा फळीमध्ये नवी ऊर्जा निर्माण झाली आहे.
#omkartupe #bjpyuvamoracha #bjppune #omkartupebjp #punebjp
