पिंपरी, पिंपरी-चिंचवड महापालिकेच्या ड प्रभाग अध्यक्षपदासाठी भाजपच्या नगरसेविका सविता खुळे यांनी अधिकृतपणे उमेदवारी अर्ज दाखल केला.
यावेळी पिंपरी-चिंचवड महापालिकेचे स्थायी समिती अध्यक्ष अभिषेक बारणे, शिक्षण समिती सभापती रवीना अंघोळकर, नगरसेवक शाम जगताप, स्थायी समिती सदस्य बाबासाहेब त्रिभुवन, नगरसेवक तानाजी बारणे तसेच नगरसेविका अनिता काटे आणि अर्चना तापकीर उपस्थित होते.
सविता खुळे या सलग दुसऱ्यांदा नगरसेविका म्हणून निवडून आल्या आहेत. त्यांनी शिक्षण मंडळाच्या उपसभापती तसेच महिला व बालकल्याण समितीच्या सभापती म्हणून यशस्वीपणे जबाबदारी सांभाळली आहे. स्थानिक स्वराज्य संस्थेतील त्यांच्या दीर्घ अनुभवामुळे ड प्रभाग अध्यक्षपदासाठी त्या एक मजबूत दावेदार मानल्या जात आहेत.
