पिंपरी, ८ जुलै २०२५ : पिंपरी चिंचवड महापालिकेच्या पहिल्या महिला उपमहापौर विश्रांती रामभाऊ पाडळे (वय ७६) यांचे आज दुपारी हृदयविकाराच्या झटक्याने निधन झाले. त्यांची प्राणज्योत मूळगाव कांजी भोयरे (ता. पारनेर, जि. अहिल्यानगर) येथे सायंकाळी साडेतीन वाजता मालवली.
त्यांच्यामागे पती रामभाऊ पाडळे, दोन मुले – प्रशांत व प्रविण, तसेच कन्या अनिता विकास शिंदे असा परिवार आहे. अंत्यसंस्कार बुधवारी (दि. ९ जुलै) सकाळी साडेअकराच्या सुमारास पिंपरी कॅम्प येथील स्मशानभूमीत होणार असल्याची माहिती नातेवाईकांनी दिली.
विश्रांती पाडळे या १९९२ साली महिला आरक्षण लागू झाल्यानंतर पिंपरी चिंचवड महापालिकेच्या प्रथम महिला उपमहापौर बनल्या होत्या. त्यांचे सामाजिक आणि राजकीय योगदान उल्लेखनीय होते.
