पिंपरी, भारतीय प्रजासत्ताक दिनाच्या ७६ व्या वर्धापनदिनानिमित्त उषा कोपलवार आणि मित्र परिवाराच्या वतीने सरस्वती शिक्षण अनाथाश्रमात सामाजिक बांधिलकी जपत हा राष्ट्रीय सण साजरा करण्यात आला. यावेळी अनाथाश्रमातील विद्यार्थ्यांना भेटवस्तू व अन्न वाटप करण्यात आले.
या उपक्रमात उषा श्रीकांत कोपलवार, स्वाती रवि शिंगे, पुनम साळुंके, राधा सार्थी, गुडी जीनवाल, सीमा गायकवाड, प्रविण परमानंद, रवि शिंगे, जमिल भाई आवटी, विनायक गायकवाड, गणेश गायकवाड, ज्ञानेश्वर जाधव, चंद्रशेखर साळुंखे, मानिक टिळक, शिवराज कांबळे, ऑगस्टन लाखी, जयम कोपुलवार यांच्यासह अनाथाश्रमातील विद्यार्थी मोठ्या संख्येने उपस्थित होते.
राष्ट्रीय सण समाजातील वंचित घटकांसोबत साजरे करण्याचा संदेश या कार्यक्रमातून देण्यात आला. उपस्थित मान्यवरांनी विद्यार्थ्यांशी संवाद साधत त्यांना प्रोत्साहन दिले तसेच शिक्षण व संस्काराचे महत्त्व अधोरेखित केले.
या उपक्रमामुळे विद्यार्थ्यांमध्ये आनंद, आत्मविश्वास आणि देशभक्तीची भावना निर्माण झाली. “सेवा हाच खरा राष्ट्रसेवेचा मार्ग” या विचाराची प्रचिती या कार्यक्रमातून आली.
कार्यक्रमाच्या शेवटी आयोजकांनी भविष्यातही अशा सामाजिक उपक्रमांचे आयोजन करण्याचा निर्धार व्यक्त केला.
