तळेगाव, तळेगाव दाभाडे येथील पोदार प्रेप शाळेत नुकताच पदवीदान समारंभ अत्यंत उत्साहपूर्ण आणि आनंददायी वातावरणात पार पडला. या सोहळ्याद्वारे विद्यार्थ्यांनी आपल्या शालेय जीवनातील एक महत्त्वाचा टप्पा यशस्वीपणे पूर्ण केला असून, उपस्थित सर्वांनी त्यांच्या या यशाचे कौतुक केले.
यावर्षी शाळेची दहावी बॅच उत्तीर्ण झाली असून, त्यानिमित्त या विशेष सोहळ्याचे आयोजन करण्यात आले. पदवीदान समारंभाच्या वेळी लहानग्या विद्यार्थ्यांच्या चेहऱ्यावर एक वेगळाच आनंद आणि आत्मविश्वास ओसंडून वाहत होता. आपल्या गुरुजनांकडून आणि पालकांकडून कौतुकाची थाप मिळवताना या चिमुकल्यांनी शिस्तबद्धरीत्या हा सोहळा साजरा केला.
पदवीदान समारंभ हा केवळ एक सोहळा नसून, तो विद्यार्थ्यांच्या शैक्षणिक प्रवासातील एक महत्त्वाचा मैलाचा दगड मानला जातो. या समारंभामुळे विद्यार्थ्यांचा आत्मविश्वास वाढण्यास मदत झाली. पुढील शैक्षणिक वाटचालीसाठी विद्यार्थ्यांना नवीन प्रेरणा मिळाली. हा सोहळा पालक, शिक्षक आणि विद्यार्थी यांच्या एकत्रित प्रयत्नांचे प्रतीक ठरले.
या कार्यक्रमाला पालकांनी मोठ्या संख्येने उपस्थिती लावली. आपल्या पाल्यांना पदवी स्वीकारताना पाहून पालकांच्या डोळ्यांत अभिमान दाटून आला होता. शिक्षकांनीही विद्यार्थ्यांच्या प्रगतीबद्दल समाधान व्यक्त करत त्यांना पुढील वाटचालीस शुभेच्छा दिल्या.
